Arteta «Arsenal»ning muvaffiqiyatli yo'lga tushib olish sirini aytdi

«Arsenal» bosh murabbiyi Mikel Arteta Angliya chempionatining 17-turi doirasida bo'lib o'tgan «Vest Bromvich»ga qarshi o'yin (4:0) borasida o'z fikrini bildirib o'tdi.

«Juda ishonchli g'alaba. "Boxing Day"da 3ta g'alaba qozonish oson emas. Jismoniy tayyorgarligimiz yaxshi bo'lganda, yaxshi futbol o'ynaymiz.

Uchrashuv so'ngida qiyinchiliklarga duch keldik. Chunki maydonning ahvoli rasvo edi. Birinchi golda Tirni zo'r o'ynadi, ikkinchi golda esa ajoyib kombinatsiya uyushtirdik. Bugun hujum chizig'imiz yaxshi o'ynadi.

O'z maqsadimizga erishganimizdan xursandmiz. Musobaqa jadvali endi butun boshqacha ko'rinishga keldi. Biz o'zgacha energiya bilan o'ynayapmiz. G'alabalar esa bizga ishonch bag'ishlaydi. Endi o'yinimizda intizom yuzaga keldi. Maydonning raqibga tegishli qismida ijodkorona harakat qilyapmiz, mudofaa esa ishonchli ko'rinmoqda», — dedi Arteta.