Kuman: «La ligadagi chempionlik haqida gapiradigan vaziyatda emasmiz»

«Barselona» bosh murabbiyi Ronald Kuman jamoasining La ligadagi ahvoli haqida o'z fikrini bildirib o'tdi.

«Oldinda o'yinlar ko'p. Ularning aksariyati safarda. Men realistman. Biz 1-o'rindan 11 ochko orqadamiz. Ko'ramiz. Boshqa ochko yo'qotishga haqimiz yo'q.

Hozir holatimiz shundaki, La ligadagi chempionlik uchun imkoniyat haqida gapiradigan vaziyatda emasmiz. Agar chempionlik uchun kurashishni istasak, birorta o'yinni boy bermasligimiz kerak.

Peshqadamdan 11 ochko ortda qolayotganimizni inobatga olsak, sovrin qo'lga kiritamiz, deb ayta olmaymiz. Hozirda vaziyat shunday, ammo chempionlik uchun kurashdan chiqmadim. Shunchaki vaziyat murakkab», – dedi Kuman.

Manba: sports.ru