Mourino: «Tottenxem» yanada ko'proq ishlashi kerak»

Londonning «Tottenxem» klubi bosh murabbiyi Joze Mourino APL doirasida «Lids» (3:0) ustidan qo'lga kiritilgan g'alaba haqidagi fikrlari bilan o'rtoqlashdi.

«Juda muhim uch ochkoni qo'lga kiritdik. O'ylaymanki, raqib bizga qattiq zarar etkazishini tushungan holda o'ynadik. Men bu tarafdan qoniqdim, lekin biz bundan ham yaxshiroq ishlashimiz kerak.

O'zaro tushunish – juda yaxshi. «Lids»ga qarshi hujumda ushbu qobiliyatga ega bo'lish juda muhim edi. Raqib yakka kurashlarda bizga etarlicha qarshilik ko'rsatdi, shu sababli, biz o'zaro bir birimizni yaxshi tushunib o'ynasak, raqibning vazifasini og'irlashtirgan bo'lardik. Bu rejada Keyn va Sonlar juda yaxshi ishlashdi.

O'ylaymanki, Premer-ligada ajoyib futbolchilar ko'p, hattoki, kutilmagan klublarda ham yaxshi futbolchilar bor. Lekin, shuni aytishim kerakki, Son va Xarri joriy mavsum ajoyib ishlarni qilishmoqda. Men boshqa futbolchilarimiz ham gol kiritilarini xohlayman. Ular ham o'zlarini ko'rsata olishlarini his qilishlarini xohlayman», – dedi Mourino BT Sport bilan suhbatda.