Sulsher: «Bir yilda o'yinimiz ancha o'sdi»

«Manchester Yunayted» bosh murabbiyi Ole-Gunnar Sulsher Angliya chempionatining 17-turi doirasida bo'lib o'tgan «Aston Villa»ga qarshi o'yin (2:1) borasida o'z fikrini bildirib o'tdi.

O'yin haqida
«Uch ochkoni qo'lga kiritganimizdan xursandman. Yaxshi o'yin namoyish etib, ko'p vaziyatlar yaratdik. Uchrashuv so'ngida esa Erik Bayi fantastik seyv namoyish etib, to'pni qaytarib qoldi. Natijada 2 ochkoni qutqarib qoldik.

Ehtimol, o'yin haddan tashqari ochiq bo'lgan bo'lishi mumkin, ammo vaziyatlar bo'yicha ustunlik bizda bo'ldi. Biz golivudcha paslar bilan o'ynadik.

Brunu Fernandesh penaltidan urayotgan gollar haqida
«U penalti tepishni istaydi, bu esa muhim. U xato qilishdan qo'rqmaydi. U o'ziga juda ishongani uchun penaltini tepmoqda».

«Liverpul» bilan ochkolar tenglashgani haqida
«Albatta, amalga oshirilayotgan ishlardan xursandmiz. Bir yilda o'yinimiz ancha o'sdi. Bir yil avval «Arsenal»ga yutqazgandik. Formaga kiryapmiz va kuchli bo'lib boryapmiz.

Safimizda yigitlar o'rganishda davom etishyapti. Bu muhim. Ular kundan-kunga yaxshiroq bo'lishga intilishyapti».