Lempard: "O'z maydonimizda istalgan jamoani yutishimiz mumkin"

Londonning «Chelsi» klubi bosh murabbiyi Frenk Lempard «Manchester Siti» klubiga qarshi bo'lib o'tadigan o'yindan oldingi fikrlari bilan o'rtoqlashdi.

«Fikrimcha, «Arsenal»ga qarshi o'yinimiz joriy mavsumdagi eng yomoni bo'ldi, birinchi bo'limni butunlay barbod qildik. «Aston Villa»ga qarshi biz faol o'ynagandik, g'alaba qozonishga imkonimiz bo'lgandi, lekin yaratilgan vaziyatdan foydalana olmagandik.

«Manchester Siti» bilan o'yinda "Arsenal"ga qarshi ko'rsatgan o'yinimizdan ko'ra tezroq harakat qilishimiz kerak. Himoyada tartibli o'yin namoyish etishimiz kerak, «shaharliklar»ga qarshi futbolchilarimdan shunday o'yin kutyapman.

Jamoamizga ishonaman, chunki o'z maydonimizda istalgan jamoani mag'lub eta olishimizga ishonaman, agar o'zimizning o'yinni namoyish etadigan bo'lsak», - dedi Lempard «Chelsi» matbuot xizmatiga.