Moyes: "Men koronavirusga chalinganimda o'yinimizni qoldirishmagandi"

Angliyaning «Vest Xem» klubi bosh murabbiyi Devid Moyes koronavirus sababli APLning o'yinlari qoldirilayotgani haqida o'z fikrlarini bildirdi.

Avvalroq «Everton» - «Manchester Siti» va «Tottenxem» - «Fulxem» jamoalari o'rtasidagi o'yinlar qoldirilgandi.

«Biz barchasini tushunib turibmiz va o'yinlarning qoldirilishiga hech qanday e'tiroz qilmaymiz. Lekin, shuni aytishim kerakki, men va «Vest Xem»ning ikki nafar futbolchisi koronavirusga chalinganida o'yinimizni qoldirishmagan. Endi ular o'yinlarni qoldirishga qaror qilishdi. Agar tarkibda 14 nafar futbolchi bormi, demak o'ynayverish kerak deb o'ylayman. Qoidalar o'zgargan bo'lsa, bilmadim», - dedi Moyes.