Xedira: «APL — faoliyatni davom ettirish uchun ajoyib variant»

"Yuventus" yarim himoyachisi Sami Xedira faoliyatini Angliya chempionatida davom ettirish niyati borligini aytdi.

"Men turli chempionatlarda o'ynaganman, ammo ular orasida Angliya premer-ligasi yo'q. APL — faoliyatni davom ettirish uchun ajoyib variant. Bu — tort ustidagi olcha. Angliyada o'yin paytida pauza kam, qarshi hujumlar va pressing ko'p. Menga bunday uslub yoqadi. Jismoniy tayyorgarlik bo'yicha murabbiylar bilan o'tkazilgan mashg'ulotlar meni APL uslubiga tayyorladi.

Men futbol o'ynashda davom etishni istayman. Nima uchun bu ishni Angliyada qilmasligim kerak?", — dedi Xedira.