Qashqadaryoda kamondan otish bilan shug'ullanish uchun yangi baza barpo etildi

Xabaringiz bor, O'zbekiston kamondan otish federatsiyasining yangi rahbariyati sportning ushbu turini rivojlantirish bo'yicha qator ishlarni amalga oshirmoqda.

Jumladan, xalqaro aloqalar rivojlantirilmoqda, o'zaro hamkorlik rishtalari mustahkamlanmoqda. Shuningdek, kamondan otish bo'yicha yangi iqtidorlarni saralab olish uchun Turkiyadan murabbiy taklif etildi.

Kuni kecha, mamlakatimizda kamondan otish sportini yanada rivojlantirish uchun navbatdagi qadam tashlandi. Qashqadaryo viloyatining Qarshi shahrida «Vatanparvarlar» bog'ida kamondan otish bo'yicha yangi baza o'z faoliyatini boshladi. Ayni paytda sportchi va murabbiylar bazada mashg'ulotlarga kirishganlar. Shuningdek, federatsiyaning Qashqadaryo viloyati bo'limi tashkil etildi. Ishonamizki, ushbu sport maskanidan o'zbek sporti uchun yangidan-yangi nomlar, iqtidorlar etishib chiqadi va kelajakda yurtimiz bayrog'ini ko'klarga ko'taradilar.