Koutino jarohat olgani uchun «Liverpul» 20 mln evro olmaydigan bo'ldi

"Barselona" yarim himoyachisi Filipe Koutino "Eybar"ga qarshi o'yinda jarohat oldi. Braziliyalik futbolchi jarrohlik stoliga yotadi. Buning oqibatida u mavsumning qolgan qismini o'tkazib yuborishi mumkin.

Ushbu holat nafaqat "ko'k-anorranglilar" uchun, balki futbolchining sobiq jamoasi "Liverpul" uchun ham yomon xabar hisoblanadi. Ikki klub o'rtasidagi kelishuvga ko'ra, agar Koutino "Barsa" safida 100ta o'yinda ishtirok etsa, mersisaydliklar qo'shimcha 20 million evro olishlari kerak.

Hozirgi kunda Filippe "Barselona" safida 90ta o'yinda maydonga tushgan. Kataloniyaliklar yozda uni sotib yuborishmoqchi.