«Atletiko» so'nggi 25 yil ichida ilk marta yilni 1-o'rinda yakunladi

«Atletiko» 2020 yilni La liga jadvalining 1-pog'onasida yakunladi. "Matraschilar" 2ta zaxira o'yiniga ega bo'lgan holda 35 ochko bilan "Real"ni 2 ochkoga ortda qoldirishmoqda.

Gracenote Live tarqatgan xabarga ko'ra, «Atletiko» 1995 yildan buyon ilk marta kelendar yilni birinchi pog'onada yakunladi. O'sha mavsumda madridliklar chempionlikni qo'lga kiritishgandi. E'tiborli tomoni, o'shanda Diego Simeone «Atletiko» safida to'p tepgan edi.

Jamoa keyingi turni "Alaves"ga qarshi o'tkazadi. «Real» esa o'z uyida «Selta»ni qabul qiladi.