Kurtua «Real» safida 100-o'yinni o'tkazdi

«Real» darvozaboni Tibo Kurtua uchun Ispaniya chempionatining 16-turidan o'rin olgan «Elche»ga qarshi o'yin (1:1) "Qirollik klubi" safidagi 100-uchrashuv bo'ldi.

Belgiyalik posbon "Madrid" safidagi uchinchi mavsumida ushbu natijaga erishdi. U La ligada 77ta, Evropa chempionlar ligasida 18ta, klublar o'rtasidagi jahon chempionatida 2ta, Ispaniya superkubogida 2ta va Ispaniya kubogida 1ta o'yin o'tkazdi.

Mazkur 100ta bahsning 59tasida Kurtua g'alaba qozondi. U "Real" bu vaqt davomida 3ta sovringa ega chiqdi: klublar o'rtasidagi JCh, Ispaniya chempionati va Ispaniya superkubogi.

Manba: realmadrid.com