APL. «Everton» 96-daqiqada mag'lubiyatdan qutulib qoldi

Angliya chempionatining 16-turi doirasida so'nggi o'yin bo'lib o'tdi. "Everton" klubi o'z maydonida "Uotford"ni qabul qilib, so'nggi soniyalarda mag'lubiyatdan qutulib qoldi.

Mersisaydliklar to'purari — Risharlison 15-daqiqada hisobni ochishga muvaffaq bo'ldi. Ammo ikkinchi bo'limda mezbonlarning ishlari orqaga keta boshladi. O'yinning 65-daqiqasida Koulmen o'z darvozasini ishg'ol qilib qo'ydi. Oradan 2 daqiqa o'tib Dukure "Uotford"ni hisobda oldinga olib chiqdi.

Faqatgina o'yinga qo'shib berilgan 6-daqiqada "Everton" himoyachisi Lyuka Din raqib darvozasini ishg'ol qilib, hisobni tenglashtirishga muvaffaq bo'ldi.

Ushbu durangdan keyin "Everton" jadvalda 7-pog'onani saqlab qoldi.

APL, 16-tur
Everton – Uotford 2:2 (1:0, 1:2)
Gollar: 1:0 – 15 Risharlison, 1:1 – 63, avtogol Koulmen, 1:2 – 65 Dukure, 2:2 – 90 Din.
Everton – Pikford, Koulmen, Kin, Mina, Din, Andre Gomesh, Guye (Tosun, 71), Uolkott (Lukman, 66), Sigurdsson, Bernard (Kelvert-Lyuin, 66), Risharlison.
Uotford – Foster, Femeniya, Kabasele, Ketkart, Xolebas, Dukure, Kina (Mariappa, 90), Sema (Deulofeu, 60), Pereyra, Saksess (Chaloba, 74), Dini.
Ogohlantirishlar: Mina (27), Kabasele (67), Chaloba (81).