Krishtianu Ronaldu yana necha yil futbol o'ynamoqchi ekanini aytdi

"Yuventus" va Portugaliya terma jamoasi hujumchisi Krishtianu Ronaldu yana necha yil futbol o'ynamoqchi ekanini aytdi.

"O'zimni yaxshi his qilyapman. Umid qilaman, yana ko'p-ko'p yillar futbol o'ynayman. Menda motivatsiya etarli, qolgan narsalar u qadar muhim emas. Yosh futbolchilar bilan gaplashsam, ulardan hozirgi vaqtni qadrlash kerakligini aytaman. Ertaga esa nima bo'lishi aniq emas.

Ishonchim komil, meni yorqin kelajak kutmoqda. O'zim sharafini himoya qilgan har bir jamoada sovrin qo'lga kiritdim. Ammo mening orzum — jahon chempionatida g'olib chiqish", — dedi Ronaldu.

35 yoshli Ronaldu joriy mavsumda "Yuventus" safida barcha musobaqalar doirasida 14ta o'yinda maydonga tushib, 16ta gol urdi va bitta golga uzatma berdi. Uning "keksa sinora" bilan shartnomasi 2022 yilning yoziga qadar tuzilgan.