«Barselona» – xatoga yo'l qo'yish bo'yicha La liga etakchisi

«Barselona» Ispaniya chempionatining 16-turi doirasida «Eybar»ga qarshi maydonga tushib, 1:1 hisobidagi durangga imzo chekdi. Kataloniyaliklar markaziy himoyachi Ronald Arauxoning qo'pol xatosidan so'ng to'pni oldirishdi va gol o'tkazishdi.

«Barselona» uchun mazkur xato joriy mavsumda natijaga ta'sir qilgan to'rtinchi xato bo'ldi. Klub ushbu ko'rsatkich bo'yicha La ligada etakchilik qilmoqda. Arauxoga qadar Neto, Mark-Andre ter Shtegen va Kleman Langle xatoga yo'l qo'yishgan edi.

«Barselona» La liga jadvalida 25 ochko bilan 6-pog'onada bormoqda.