Balotelli «Montsa» safida 20 kunda 5 kilo vazn tashladi

«Montsa» hujumchisi Mario Balotelli 30 dekabr «Salernitana»ga qarshi o'yin doirasida B seriyada debyut qilishi mumkin. 30 yoshli klub bilan shartnoma imzolagach jiddiy dietani ushladi va 20 kun davomida 5 kilogramm vazn tashlashga muvaffaq bo'ldi.

«Umid qilamiz, Marioning "Montsa"dagi faoliyati mavsum-2012/2013da "Milan"dagi kabi muvaffaqiyatli bo'ladi. Unga vaqt kerak. Chunki, Mario mart oyidan buyon rasmiy o'yinlarda ishtirok etmadi. U mehnat qilmoqda, ozmoqda va o'z tanasidagi yog'lar foizini kamaytirmoqda. Biz Marioni formaga keltiramiz. Uning mashg'ulotda ishlashini ko'rib, uning jahon darajasidagi sportchi ekanini anglash mumkin. U faoliyatida ko'p narsaga erishishi kerak edi. Afsuski, Mario ancha yillarni boy berib qo'ydi», — dedi «Montsa» klubi bosh direktori Adriano Galliani.

Eslatib o'tamiz, Balotelli dekabr oyida erkin agent sifatida «Montsa» bilan shartnoma imzoladi.