«Eybar» futbolchisi: «Messi bizga har o'yinda 3-4 ta gol urardi»

Ispaniyaning «Eybar» klubi hujumchisi Kike Garsiya «Barselona» klubiga qarshi bo'lib o'tgan o'yindan keyingi fikrlarini bildirdi. Aynan Kike "Barselona" darvozasiga gol kiritib, o'yinda hisobni ochgandi.

«Messi etishmadimi? U barcha zamonning eng yaxshi futbolchisi. Messi bizga har doim 3-4 ta gol urardi. Bugun uning etishmagani hayron qolarli narsa emas. Umid qilamanki, u «Barselona»da uzoq yil to'p suradi.

Gol kiritilgan vaziyatda «Barselona»ning xatosi? O'ylaymanki, «Eybar» pressing uyushtirishini barcha biladi. To'p menga kelib tushdi va men darvozabon bilan birga-bir vaziyatga chiqib bordik», – dedi Garsiya.