Firpo: «Gol kiritish uchun juda ko'p imkoniyatga ega bo'ldik»

Kataloniyaning «Barselona» klubi himoyachisi Xunior Firpo «Eybar» (1:1) bilan qayd etilgan durangdan keyingi fikrlari bilan o'rtoqlashdi.

«Gol kiritish uchun juda ko'p imkoniyatga ega bo'ldik. Bunda yaxshi o'yin namoyish etadigan klublarga qarshi o'ynash doim qiyin bo'lgan. O'z maydonimizda ikki ochko yo'qotdik.

Goldan keyin ham ko'plab vaziyatlarga ega bo'ldik, biroq, bulardan samarali foydalana olmadik. Juda oz qoldi. Dekabr oyida liganing taqdiri hal bo'lmaydi. Biz – «Barselona»miz va barcha o'yinlarda yutish uchun bor kuchimizni ishga solamiz», – dedi Firpo.