"Navbahor" yakuniga etgan mavsumda o'z tarixidagi 1400-golini kiritdi

Xabaringiz bor, yakunlangan mavsumda “Navbahor” Coca Cola Superliga – 2020 da raqiblar darvozasiga 24 ta to'p kiritdi.

Shu bilan jamoamizning O'zbekiston milliy chempionatlarida urgan jami gollari 1401 tani tashkil etdi. “Navbahor” 1400-gol marrasini Toshkentning “Paxtakor” va Farg'onaning “Neftchi” klublaridan so'ng, uchinchi bo'lib qayd etdi.

Izoh: 2001 yilgacha milliy chempionatlarimizda texnik g'alabaga erishgan jamoalarga 3 tadan gol yozilgan hamda “Navbahor”ning hisobida shu yilgacha bo'lgan davrda 3 ta texnik g'alaba bor.

Biroq, jamoamizning milliy chempionatlarimizdagi barcha ko'rsatkichlari va ortda qolgan barcha mavsumlarning yakuniy turnir jadvallaridan kelib chiqadigan bo'lsak, “Navbahor”ning hisobida 1401 ta gol mavjud.

“Navbahor” PFK matbuot xizmati.