Neymarning huquqshunoslari: Futbolchining Braziliyadagi bazmga aloqasi yo'q

27 dekabr kuni internetda «PSJ» hujumchisi Neymar Braziliyada 500 kishi uchun yangi yil bayramini tashkil qilgani haqida xabar tarqalgandi. Braziliyalik futbolchining advokati ushbu xabarni inkor qildi.

— Ushbu bazmni "Fabrica" agentligi tashkil qilgan. Uning Neymarga aloqasi yo'q", — dedi futbolchining vakili.

"Fabrica" agentligi ham ushbu tadbirni tashkil etganini tasdiqlagan holda, unda 150 kishi ishtirok etayotganini ma'lum qilgan. Agentlikning ta'kidlashicha, ushbu bazm mahalliy hokimiyat bilan kelishilgan.