"Arsenal" "Sevilya"ning 35 millionli futbolchisiga ko'z tikmoqda

Londonning «Arsenal» klubi «Sevilya» yarim himoyachisi Xoan Xordanga qiziqish bildirmoqda. Bu haqda Angliya matbuoti xabar tarqatmoqda.

«Sevilya» Xordanning narxini 35 million evro atrofida baholamoqda. Joriy mavsumda futbolchi 19 ta o'yinni o'tkazdi va bitta gol kiritib, 3 ta golga assistentlik qildi.

Xordan «Sevilya»ga 2019 yilning iyul oyida «Eybar» klubidan kelgan edi. Andalusiyaliklar o'shanda uning transferi uchun 14 million evro sarflagandi.