"Chelsi" himoyachisi La Liga grandi safiga qo'shilishi mumkin

"Chelsi" himoyachisi Sezar Aspilikueta "Atletiko"ga o'tishi mumkin.

Xabar qilinishicha, "ko'klar" asosiy tarkibdagi o'rnini yo'qotgan ispaniyalik himoyachi bilan xayrlashishi mumkin. "Chelsi" va "Atletiko" o'rtasidagi yaxshi munosabatlar ushbu transferni osonlashtirishi mumkin.

Qayd etilishicha, "matraschilar" Aspilikuetani yanvar oyida ijaraga olmoqchi, yozda esa 10 million evro evaziga to'liq transferni amalga oshirmoqchi.

Oldinroq "Chelsi" himoyachisi Antonio Ryudiger klubni tark etishi mumkinligi ma'lum bo'lgandi.