Tezkor! "Everton" – "Manchester Siti" o'yini qoldirildi

APLning 16-turidan o'rin olgan «Everton» — «Manchester Siti» uchrashuvi belgilangan vaqtda bo'lib o'tmaydi.

"Manchester Siti" rasmiy saytida ma'lum qilinishicha, koronavirusga chalinish yangi holatlari aniqlanmasligi uchun jamoa qat'iy karantin choralarini qo'llagan. Ikki jamoa va liga o'zaro kelishgan holda bahsni qoldirish qaroriga kelgan.

25 dekabr kuni «Manchester Siti» jamoa hujumchisi Gabriel Jezus, himoyachi Kayl Uoker hamda klubning yana ikki xodimida infektsiya aniqlangandi.

Eslatib o'tamiz, mazkur uchrashuv Toshkent vaqti bilan 28 dekabrdan 29 dekabrga o'tar kechasi 01:00 da boshlanishi rejalashtirilgandi.