Diego Kosta «Atletiko» rahbariyatidan shartnomani muddatidan avval bekor qilishni so'radi

«Atletiko» hujumchisi Diego Kosta jamoani tark etishga yaqin turibdi. Futbolchi rahbariyatga murojaat qilib, shartnomani bekor qilishni so'radi.

"Marca" tarqatgan xabarga ko'ra, ispaniyalik o'yinchi bu ishni imkon qadar tezroq amalga oshirishni so'ramoqda.

Ma'lumotlarga qaraganda, Diego Kosta shaxsiy muammolar tufayli jamoadan ketishga qaror qildi. 32 yoshli futbolchiga Xitoy va Braziliya klublari qiziqish bildirishmoqda.

Diego Kosta Ispaniya chempionatining joriy mavsumida 7ta o'yinda maydonga tushib, 2ta gol urdi.