APL. «Tottenxem» — joriy mavsumda so'nggi daqiqalarda o'tkazilgan gol evaziga eng ko'p ochko yo'qotgan jamoa

«Tottenxem» Angliya chempionatining 15-turi doirasida bo'lib o'tgan «Vulverxempton»ga qarshi uchrashuv so'ngida (86-daqiqa) to'p o'tkazib yuborib, g'alabani qo'ldan chiqardi.

Shu tariqa, «shporlar» Angliya chempionatining joriy mavsumidagi uchrashuvlarning so'nggi 10 daqiqasida gol o'tkazib yuborib, yo'qotilgan ochkolar soni bo'yicha "etakchi" bo'lib turishibdi. Londonliklar ushbu mavsumda shu tarzda 9 ochko yo'qotishdi.

Mourino jamoasi «Nyukasl», «Vest Xem», «Kristal Pelas» va «Vulverxempton»ga qarshi o'yinlarda 2 ochkodan, «Liverpul» bilan bahsda esa 1 ochko yo'qotdi.

«Tottenxem» 15-turdan so'ng 26 ochko bilan APL jadvalida 5-o'rinni egallab turibdi.