Mourino: «Chuqur himoyalanish niyatimiz yo'q edi»

«Tottenxem» bosh murabbiyi Joze Mourino Angliya chempionatining 15-turi doirasida bo'lib o'tgan o'yin (1:1) borasida o'z fikrini bildirib o'tdi.

«Bugun bir ochkodan ko'prog'iga haqli edikmi? Bilmayman. Biz ilk daqiqadayoq gol urib, eng yaxshi narsaga ega bo'ldik. Biz bahsni nazorat qildik, ammo burchak zarbasidan gol o'tkazib yubordik.

Xuddi «Liverpul»ga qarshi o'yinda bo'lgani kabi juda alamli bo'ldi. Raqibning xavfli futbolchilarini 90 daqiqa davomida nazorat qilib, standartdan gol o'tkazib yuboryapmiz.

Chuqur himoyalanish niyatimiz yo'q edi. Men buni istamagandim. Tanaffusda ulardan nima so'raganimni o'yinchilar yaxshi bilishadi.

Jamoani qanday tayyorlaganim va nimalar deganimni yaxshi bilaman. Bugun futbolchilarda ambitsiya yoki ko'proq natijaga erishish uchun ishtiyoq yo'q edi», – dedi Joze.

«Tottenxem» navbatdagi turda «Fulxem»ni o'z maydonida qabul qiladi.