«Liverpul» Veynaldumga yangi shartnoma taklif qildi

«Liverpul» klubi yarim himoyachi Jorjino Veynaldumga yangi shartnoma taklif qildi. Niderlandiyalik futbolchining "qizillar" bilan shartnomasi joriy mavsum oxirida yakuniga etadi.

"The Guardian" tarqatgan xabarga ko'ra, mersisaydliklar dekabr oyi boshida 30 yoshida yangi shartnoma borasida taklif berishdi, ammo u o'ylab ko'rish uchun vaqt so'radi. Agar Veynaldum jamoani tark etishga qaror qilsa, bu haqda yangi shartnoma bo'yicha muzokara boshlashdan oldin ma'lum qilishga va'da berdi.

Jorjino Veynaldum Angliya premer-ligasining joriy mavsumida 15ta o'yinda maydonga tushib, bitta gol urdi. Futbolchi 2016 yilning yozida «Nyukasl»dan «Liverpul»ga o'tgan edi.