«Inter» futbolchisi sobiq jamoasiga qaytishi mumkin

«Neradzurrilar» yarimhimoyachisi Radja Nainggolan sobiq klubi «Kalyari»ga qaytishi mumkin.

Bu haqda jurnalist Nikolo Skira xabar beradi. 32 yoshli belgiyalik uchun «Kalyari» begona emas. U o'tgan mavsumni sardiniyaliklar safida o'tkazishidan tashqari 2010-14 yillar mobaynida ham o'sha erda o'ynagan.

Eslatib o'tamiz, Nainggolan joriy mavsum «Inter» safida 4 marta zaxiradan maydonga tushdi. Klub uni qishki transferlar oynasida sotishga tayyor.