Anchelotti «Everton»ning joriy mavsumdagi maqsadi nima ekanini aytdi

«Everton» bosh murabbiyi Karlo Anchelotti jamoaning joriy mavsumdagi maqsadi nima ekanini aytdi.

«Biz jadvaldagi hozirgi o'rnimizdan qoniqish hosil qilyapmiz, ammo kurashishda davom etishimiz kerak. Safarda biz yaxshiroq o'ynaymiz. Bunga bitta sabab bor — tomoshabinlarsiz o'yinlar. Aks holda «Everton» uyda yaxshiroq o'ynagan bo'lardi.

Juda olisga nazar tashlashni istamasdim. Chunki, tez orada navbatdagi o'yin kutib turibdi. Biz unga tayyorgarlik ko'rishimiz kerak. Biz karvonboshi emasmiz, ammo yaxshi o'ynayapmiz. Joriy mavsumda oldimizga qo'yilgan vazifa — evrokuboklarga yo'llanma beradigan o'rinlarni egallash», — dedi Anchelotti.

Ma'lumot o'rnida. «Everton» Angliya chempionatining 15-turidan so'ng 29 ochko bilan 2-pog'onani egallab turibdi. Anchelotti jamoasi keyingi turda «Manchester Siti»ga qarshi maydonga chiqadi.