APLning faqat 2ta klubiga tomoshabinlar bilan o'yin o'tkazishga ruxsat berildi

Buyuk Britaniyada koronavirus pandemiyasi tufayli kiritilgan yangi cheklovlar tomoshabinlarning stadionga tashrifiga ham taalluqli bo'ldi.

Angliya premer-ligasining 20ta klubidan faqat "Liverpul" va "Everton" muxlislariga "Boxing Day" kunlarida stadionga kirish uchun ruxsat berildi. Bu haqda "Sky Sports" xabar tarqatdi.

Ushbu jamoalar uy o'yinlariga 2000ta chipta sotishlari mumkin. Boshqa klublar hozircha ishqibozlarsiz o'ynab turishadi. Mazkur qoida ikki haftadan keyin ko'rib chiqiladi.

Pandemiya boshlangandan so'ng muxlislar ilk marta dekabr oyida stadionga qaytishgandi.