Messi «Barselona»dan ketadimi? Leo javob berdi

«Barselona» hujumchisi Lionel Messi o'zining kelajagi haqida fikr bildirdi. Eslatib o'tamiz, Messining "ko'k-anorranglilar" bilan shartnomasi 2021 yilning yozida yakuniga etadi.

Argentinalik futbolchi o'tgan yilning yozida «Barselona»dan ketmoqchi bo'lgandi, ammo yakunda u shartnomaning oxiriga qadar klubda qolishga qaror qildi.

«Men hozirda birorta klub bilan muzokara olib bormayapman. Mavsum oxiriga qadar bu borada hech qanday aniqlik bo'lmasa kerak. Neymar? Uni ortga qaytarish juda qimmatga tushadi.

Men vaqti kelib AQShda o'ynashni istardim, bu mening orzum. Ammo bu amalga oshadimi yoki yo'qmi, bilmayman.

Men «Real» yoki «Atletiko»ga o'tmayman. Buning mutlaqo iloji yo'q. «Barselona»dan ketamanmi yoki yo'qmi, buni bilmayman. Bu haqda mavsum so'ngida aytaman. Umid qilaman, faoliyatimni yakunlaganimda klubning bir qismi bo'lib qolaman», — dedi Messi.