«An-Nasr» Masharipov bilan muzokara o'tkazilayotganini tasdiqladi

Saudiya Arabistoninining «An-Nasr» klubi o'zbekistonlik yarim himoyachi Jaloliddin Masharipov bilan muzokara kechayotganini tasdiqladi.

"Hozirda rahbariyat qishki transfer paytida tarkibni kuchaytirish maqsadida Jaloliddin Masharipov bilan muzokara olib bormoqda. Yaqin kunlarda o'zbekistonlik futbolchi bilan kelishuvga erishiladi. Shartnomaning ba'zi kichik detallariga oydinlik kiritish qoldi. Shundan so'ng rasmiy ma'lumot tarqatamiz", — dedi «An-Nasr» klubi vakili Al-Alamiy.

Ma'lumot o'rnida. «An-Nasr» klubi Saudiya Arabistonining joriy mavsumida 10ta o'yindan keyin 8 ochko bilan 14-o'rinni egallab turibdi. Saudiya Pro-ligasida 16ta jamoa ishtirok etadi.

Manba: www.stadion.uz.