"Arsenal" "Real"ning yana bir futbolchisiga ko'z tikmoqda

Londonning "Arsenal" klubi "Real" yarim himoyachisi Rodrigoga qiziqish bildirayotgan El Confidencial xabar bermoqda.

"Kanonirlar" 19 yoshli braziliyalik futbolchini yanvar oyida ijaraga olmoqchi. Koronavirus pandemiyasi tufayli yuzaga kelgan moliyaviy inqiroz davrida "Real" futbolchisini to'laqonli ravishda sotishi ham mumkin.

Qayd etish kerakki, Rodrigoning transfer narxi 45 million evro atrofida baholanmoqda.

Joriy mavsum Rodrigo 17 ta uchrashuvda maydonga tushib, bitta gol kiritdi va 5 ta golga assistentlik qildi.