Arteta: «Byornli», «Sautgempton» va «Everton»»i mag'lub etishimiz kerak edi»

«Arsenal» bosh murabbiyi Mikel Arteta jamoasining APLdagi 7ta o'yindan iborat g'alabasiz seriyasi haqida o'z fikrini bildirdi.

«Ayrim pallalarda bizga ishonch etishmadi, ammo futbolchilarning tayyorgarligini shubha ostiga olib bo'lmaydi.

Bundan vaziyatda eng yaxshi davo — bu g'alaba. Har bir mag'lubiyat — og'riqli lahza, hafsalaning pir bo'lishi va ishonchsizlikning yuzaga kelishi. Bu ko'p energiyani olib qo'yadi.

Futbolchilar o'zlaridagi maksimumni ko'rsatishga harakat qilishyapti. Ular qanday xatoga yo'l qo'yishmasin, men ularni oxiriga qadar qo'llab-quvvatlashda davom etaman.

Har hafta maydonda o'zimizni ko'rsatishga harakat qilamiz, ammo turli sabablarga ko'ra kerakli natijaga erisha olmayapmiz. «Byornli», «Sautgempton» va «Everton»ga qarshi o'yinlarda g'alaba qozonishimiz kerak edi. Vaziyatni o'zgartirmasak bo'lmaydi. Omadimiz kelmayapti. Axir busiz APLda g'alaba qozonish juda qiyin», – dedi Arteta.

«Arsenal» bugun «Chelsi»ga qarshi maydonga tushadi.