Qatar nima uchun Evropadagi JCh-2022 saralash bosqichida ishtirok etishiga izoh berdi

Qatar 2022 yilgi jahon chempionati mezboni sifatida saralash bosqichidan ozod etilgan bo'lsa-da, ushbu mamlakat terma jamoasi Evropada saralashda ishtirok etishga qaror qildi.

"Qatar terma jamoasi so'nggi yillarda sezilarli muvaffaqiyatga erishdi, jumladan, o'z tarixida ilk marta Osiyo chempionligini qo'lga kiritdi. Lekin biz bu bilan cheklanib qolmoqchi emasmiz.

Shuning uchun biz Evropadagi saralash turnirida ishtirok etishga qaror qildik. Avvalroq jamoamiz Kopa Amerika-2019 qatnashgan edi va 2021 yilda ushbu turnirda yana bir marta ishtirok etadi. Shuningdek, biz KONKAKAF Oltin kubogida ham qatnashishni rejalashtirganmiz.

Qatardagi jahon chempionati — mamlakatimiz uchun aql bovar qilmas voqea. Terma jamoamiz unda munosib ishtirok etishini istaymiz", — dedi Qatar Amiri shayx Hamad bin Xalifa bin Ahmad Ol-Soniy.

Eslatib o'tamiz, UEFA Qatarni saralashning "A" guruhiga qo'shdi. Ushbu guruhdan Portugaliya, Serbiya, Irlandiya, Lyuksemburg va Ozarboyjon terma jamoalari o'rin olishgan. Qatarliklar musobaqadan tashqari ishtirok etishadi. Jamoa barcha uy o'yinlarini raqib maydonida o'tkazadi.