Sulsher: «Marsyal, Reshford va Grinvud qachon super formada bo'lsa, biz ham maksimal darajada o'ynaymiz»

«Mankunianlar» ustozi Ole Gunnar-Sulsher jamoa hujum chizig'i to'g'risida gapirdi.

«Jamoaning asosiy motori hujum triomiz desak ham bo'laveradi. Marsyal, Reshford va Grinvud qachon super formada bo'lsa, biz ham maksimal darajada o'ynaymiz.

Marsyalning qobiliyati "Lids"ga qarshi bahsda ham yaqqol ko'zga tashlandi. Yugurish va aniq zarbalar foizini statistika ham aytib turibdi. Men undan shunaqa o'yinlarni ko'proq kutaman. O'yinlar oralig'ida biroz bo'lgan pasayishga sabab uning qizil kartochkasi edi. Shundan so'ng uning ruhiy bosimni engib o'tishi qiyin bo'ldi. Endi hammasi joyida.

Shuningdek, uning yonida Reshford hamda Grinvud bo'lsa yanayam rang-barang futbolga guvoh bo'lasiz. Ularning barchasi formada bo'lib tursa istalgan raqib bilan yuz foiz potentsialda o'ynay olamiz», -deydi Sulsher.

Eslatib o'tamiz, «MYu»ning navbatdagi bahsi ertaga «Lester»ga qarshi kechadi.