Ibrahimovich: «Shvetsiyada ikki, Milanda esa 25 nafar o'g'lim bor»

"Milan" hujumchisi Zlatan Ibrahimovich o'z oilasi bilan ko'risha olmayotganini aytib o'tdi.

"Oilamni sog'inyapman. Charchadim, boshqa chidolmayman. Shvetsiyada yashayotgan farzandlarim va ayolim bilan qolishni istardim.

Shvetsiyaga uchib borishim mumkinmi? Pioli bunga ruxsat bermadi. Chunki Milanda ham oilam bor. Murabbiy menga: "Shvetsiyada ikki, bu erda esa 25 nafar farzanding bor, sen ularga keraksan", dedi", – deya gapirib berdi Ibrahimovich "Corriere della Sera" nashriga bergan intervyusida.

Ibrahimovich Italiya chempionatining joriy mavsumida 6ta o'yinda maydonga tushib, 10ta gol urdi. 39 yoshli futbolchi hozirda jarohatidan tiklanmoqda.