Dragan Cheran 26 gol bilan "Paxtakor"ning mavsum to'purariga aylandi

2020 yilgi mavsumda ham o'tgan yili bo'lganidek "Paxtakor"ning serbiyalik legioneri jamoa to'purariga aylandi.

"Paxtakor" ishtirok etgan uch turnirning barchasida Dragan 26 gol muallifi bo'ldi. Igor Sergeev esa 22 to'p kiritgan holda bu yil ham ikkinchi to'purarga aylandi. Shveytsariyalik hujumchi Eren Derdiyok raqib darvozalarini 14 bor ishg'ol qilishga erishdi. Ushbu futbolchilar har uch musobaqada gol urishga muvaffaq bo'lishdi. Doston Hamdamov 11, Jaloliddin Masharipov esa 9 gol bilan jamoamiz to'purarlari ro'yxatida kuchli beshlikka kirishdi.

Jami 13 nafar futbolchi 2020 yilgi mavsumda to'p kiritishga erishdi. 100 goldan uchtasini raqib futbolchilari o'z darvozasiga kiritib qo'yishgan. 38 o'yindan 33tasida "Paxtakor" raqib darvozasiga gol urishni uddalagan.

Manba: pakhtakor.uz