Kroos — «Real» safida La ligada 200ta o'yin o'tkazgan ikkinchi germaniyalik futbolchi

23 dekabr, chorshanba kuni La liganing 15-turi doirasida «Real» — «Granada» uchrashuvi bo'lib o'tadi. «Alfredo di Stefano» stadionida o'tkazilgan o'yinda mezbonlar 2:0 hisobida g'alaba qozonishdi.

«Real» yarim himoyachisi Toni Kroos kechagi bahsda ishtirok etdi. 30 yoshli futbolchi uchun mazkur uchrashuv "qaymoqranglilar" futbolkasidagi Ispaniya chempionati doirasidagi 200-bahs bo'ldi. Germaniyaliklar orasida «Real» safida eng ko'p o'yin o'tkazgan futbolchi Uli Shtilike hisoblanadi — 212.

Eslatib o'tamiz, «Real» Ispaniya La ligasida ketma-ket beshinchi g'alabani qo'lga kiritib, 32 ochko bilan jadvalda 2-pog'onani egallab turibdi. "Qirollik klubi"ga nisbatan 2ta kam o'yin o'tkazgan «Atletiko» hisobida ham shuncha ochko bor.