Sulsher: "Kavani birinchi bo'limning o'zida uchta gol kiritishi kerak edi"

Angliyaning «Manchester Yunayted» klubi bosh murabbiyi Ole-Gunnar Sulsher Angliya Liga Kubogi 1/4 final bosqichi doirasida «Everton» ustidan qo'lga kiritilgan g'alaba haqidagi fikrlari bilan o'rtoqlashdi.

«O'yinni yaxshi boshladik, dastlabki 20-25 daqiqa ichida juda yaxshi o'ynadik va 2-33 ta gol kiritishimiz mumkin edi. Keyin raqib o'z o'yinini kuchaytirdi, lekin 70-daqiqadan keyin yana biz yaxshi o'ynay boshladik.

Kavani birinchi bo'limning o'zida uchta gol kiritishi kerak edi. U top-hujumchi, u juda yaxshi harakatlanadi. Uning goli ajoyib bo'ldi.

Ajoyib o'yin bo'ldi: muxlislar, yakkakurashlar, sariq kartochkalar va ikki darvoza oldidagi xavfli vaziyatlar. Menga o'yin yoqdi. Agar yaxshi himoyalanadigan bo'lsak, bizga g'alaba olib keladigan futbolchilarimiz borligini bilamiz», – dedi Sulsher.