Azar jarohat sabab bir necha hafta maydonga tusha olmaydi

Dortmundning «Borussiya» klubi yarim himoyachisi Torgan Azar Bundesliga doirasida «Ayntraxt» (2:0) klubiga qarshi o'yindan jarohat oldi.

«Borussiya» matbuot xizmatining tarqatgan ma'lumotiga qaraganda, belgiyalik futbolchi bir necha haftani maydon tashqarisida o'tkazadi. Qayd etish kerakki, Azar dortmundliklarning so'nggi uchta o'yinini jarohat sabab o'tkazib yuborgan edi.

27 yoshli Azar joriy mavsum «Borussiya»ning barcha musobaqalaridagi 12 ta o'yinida maydonga tushdi va uchta gol kiritdi.