«Yuventus» — «Napoli» o'yini may oyida o'tkazilishi mumkin

Italiya milliy olimpiya qo'mitasi tomonidan qabul qilingan «Yuventus» — «Napoli» o'yinidagi texnik natijani bekor qilib, uchrashuvni o'tkazish haqidagi qaror A seriya rahbariyatini biroz noqulay ahvolga solib qo'ydi.

Taqvimdagi haddan tashqari zichlik tufayli Liga hozircha 2021 yilning may oyiga qadar bo'sh kun topa olmayapti.

Dastlab bahsni yanvar oyida o'tkazish varianti ko'rib chiqilgandi, ammo qishki tanaffus paytida Italiya kubogining nimchorak final bahslari o'tkazilsa, 20 yanvar kuni "Yuventus" va "Napoli" klublari o'rtasida Italiya superkubogi o'yini bo'lib o'tadi.

"Yuventus" va "Napoli" jamoalari evrokuboklardan ertaroq chiqib ketishsa, A seriyaning 3-turidan o'rin olgan bahsni erta o'tkazish imkoniyati yuzaga keladi. Aks holda mazkur uchrashuvni mavsum so'ngida o'tkazishga to'g'ri keladi.