Aka-uka Benderlar faoliyatlarini tugatadilar

Leverkuzenning «Bayer» klubi a'zolari Lars va Sven Benderlar klub bilan yangi bitim tizmoqchi emas hamda kelasi yil o'z futbolchilik faoliyatlarini yakunlaydilar.

Bu haqda klub matbuot xizmati xabar bermoqda.

«Albatta, uzoq yillik faoliyatdan so'ng buni aytish yoqimli emas. Og'ir mas'uliyatni chuqur his qilib turibmiz. Bu klub kelajagiga qarshi qaror emas.

Agar o'z formang avvalgidek emasligini sezsang, futboldan vaqtida ketganing ma'qul. Biz juda ko'p jismoniy va ruhiy muammolarga uchradik. Endi oila bilan ko'proq vaqt o'tkazish payti keldi», - deydi Lars.

Eslatib o'tamiz, har ikkala futbolchi ham «Bayer» tarkibiga 2009 yilda qo'shilishgan.