«Borussiya» futbolchisi diskvalifikatsiyaga uchradi

Myonxengladbaxning «Borussiya» klubi a'zosi Markus Tyuram 5 ta o'yinga diskvalifikatsiya qilindi deya xabar beradi Bild.

Unga ko'ra futbolchi «Xoffenhaym» bilan bahsda raqib a'zosi Shtefan Poshga qarata tuflagani uchun mamlakat ichki tartib-intizom qo'mitasi tomonidan jazolandi. Bundan tashqari u yana 40 ming evro miqdorida jarima to'lab berishiga ham to'g'ri keladi.

Tyuram jamoasining «Bavariya» va «Verder»ga qarshi muhim bahslarida yordam bera olmaydi. Uning «Borussiya» derbisida maydonga qaytishi kutilyapti.