"Real" arzonroq transferni amalga oshirish niyatida

Angliyaning «Brayton» klubi yarim himoyachisi Iv Bissumaga Madridning «Real» klubi qiziqish bildirmoqda.

Defensa Central nashrining tarqatgan ma'lumotiga qaraganda, "Real" skautlari 24 yoshli malilik futbolchi haqida iliq taasurootlarga ega bo'lishdi.

Bissumaning o'yinlari «Real» ustozi Zinedin Zidanga yoqadi. Iv Pol Pogba («MYu») va Eduardo Kamavinga («Renn»)larning transferidan ancha arzon turadi.

Bissuma uchun «Brayton» klubi rahbariyati 35-40 million evro atrofida mablag' talab qilishi kutilmoqda. Shuningdek, futbolchiga «Arsenal» va «Liverpul» klublari ham qiziqish bildirishmoqda.