«Paxtakor» 2020 yilda 100ta gol urdi

O'zbekiston Kubogi finalidagi gollar bilan «Paxtakor» mavsumni roppa-rosa 100ta to'p kiritgan holda yakunladi.

AGMK darvozasiga finalning 59-daqiqasida kiritilgan to'p "Paxtakor"ning 2020 yil rasmiy bahslarda urgan 100-goliga aylandi. Jamoa Superligada 76, Chempionlar Ligasida 9 ("Al-Hilol" bilan o'yinlar ham kiritilgan), O'zbekiston Kubogida 15 to'p kiritishga muvaffaq bo'ldi.

«Paxtakor» 38 o'yinda maydonga tushgan. Bir bahsda o'rtacha 2,63tadan gol urilgan. Klub o'z darvozasidan esa 25 to'p o'tkazib yuborilgan. Jami 20 uchrashuvda darvoza daxlsizligi saqlanib qolgan.