«Liverpul» o'z an'anasiga sodiq qoldi

APL 14-turi doirasida «Liverpul» «Kristal Pelas»ni yirik 7:0 hisobida taslim etganidan xabaringiz bor.

Ushbu g'alaba orqali Klopp shogirdlari turnir jadvalidagi peshqadamligini mustahkamlab oldi (31 ochko). Endi ular eng yaqin ta'qibchisi «Lester»dan 4 ochko oldinda (27).

Shu orqali mersisaydliklar Rojdestvoga musobaqa peshqadami sifatida borishadigan bo'ldi. Bu voqea klubda ketma-ket 3 mavsumdan buyon sodir bo'lmoqda va qaysidir ma'noda turnirning o'ziga xos rekordi hisoblanadi.

«Qizillar» oxirgi marta 1978-1980 yillar oralig'ida Bob Presley qo'l ostida ushbu natijani qayd etishgan edi.