"Roma" ustozi: "Bunday o'yin bilan "Atalanta"larga qarshi maydonga tushish mumkin emas"

Rimning "Roma" klubi bosh murabbiyi Paulo Fonseka "Atalanta" bilan A Seriyaning 13-tur doirasida (1:4) bo'lib o'tgan uchrashuv haqidagi fikrlarini bildirdi.

«Men o'zimizni oqlash niyatdamasman. "Roma" birinchi bo'limda juda qizg'in o'ynadi, ammo ikkinchi bo'limda xuddi yosh bolalardek harakat qildi. Bu katta yoshdagi insonlarning yosh bolalarga qarshi o'yini edi.

Biz juda keng va tajovuzsiz o'ynadik. Bunday "Atalanta" kabi jamoaga qarshi uchrashuvlarda katta muammolarga olib keladi. Gap jismoniy tayyorgarlikda emas, ruhiy tayyorgarlikda. Bu kayfiyatga bog'liq.

25 daqiqa davomida yaxshi o'ynadik, keyin kayfiyat butunlay o'zgardi. Bu qabul qilinishi mumkin emas », - dedi Fonseka Sky Sport Italia bilan suhbatda.