Sulsher: "Hisob 12:4 ham bo'lishi mumkin edi"

Angliyaning «Manchester Yunayted» klubi bosh murabbiyi Ole-Gunnar Sulsher APL doirasida «Lids» (6:2) klubi ustidan qo'lga kiritilgan g'alaba haqida fikrlarini bildirdi.

«Birinchi daqiqadayoq fantastik o'yin namoyish etdik. Faraz qiling agar bugun stadionda 75 ming nafar muxlis bo'lganida... Bu "Lids"ga qarshi eng buyuk o'yinlardan biri sifatida tarixga kirdi.

Bugungi uchrashuv 12:4 hisobida yakuniga etishi mumkin edi. O'yin shunday bo'ldi.

O'yin aqlbovar qilmas darajada ajoyib o'tdi. Hisob qanday bo'lishidan qat'iy nazar, hox 5:0 bo'lsin, hox 0:5 bo'lsin, "Lids" har doim o'z uslubida harakat qiladi.

«MYu» hali yarim yo'lni ham bosib o'tmadi. Biz turnir jadvalidagi o'rinlarga qaramaymiz, biz o'sishda davom etishimiz kerak. O'z sport formamizga kirib boryapmiz, turdan turga kuchayyapmiz. Muxlislarimizga mana shu g'alaba kerak edi», – dedi Sulsher.