Shota Arveladze: «Taktik jihatdan AGMKga xavfli vaziyat yaratish imkonini bermadik»

"Paxtakor" bosh murabbiyi Shota Arveladze AGMKga qarshi bo'lib o'tgan O'zbekiston kubogi final uchrashuvidan (3:0) so'ng o'z fikrlari bilan o'rtoqlashdi.

"O'yin yaxshi o'tdi. Biz yaxshi harakat qildik. Dastlabki 15 daqiqada futbolchilardagi hayajon sezildi. Keyin esa ular o'zlariga kelib olib, tashabbusni qo'lga oldik. Buning oqibatida vaziyatlar yaratdik va gollar urdik.

Taktik jihatdan raqibga xavfli vaziyat yaratish imkonini bermadik. Yirik hisobda g'alaba qozonish oson bo'lmadi. AGMK haqli ravishda finalga chiqqandi. O'yin boshidan ular pressing qo'llashini bilardik. Biz esa yuqori saviya namoyish etdik.

Kecha Osiyo chempionlar ligasi finalini tomosha qildik. Biz ulardan kuchliroq edik. OChLda biroz omadimiz kelmadi. Ammo bu futbol.

Menga "Paxtakor"da ishlash uchun imkoniyat berganlarga rahmat aytaman. Mana O'zbekistonga ham VAR kirib keldi. Bu borada hech kimdan ortda qolmayapmiz. "Paxtakor"da ishlayotgan barcha ulkan minnatdorchilik bildiraman. Ular bizga katta yordam berishdi. O'ylashimcha, oldimizga qo'yilgan vazifalarni uddaladik", — dedi Arveladze.