Mirjalol Qosimov: «Finalda xatolarga yo'l qo'yishimiz kerak emas edi»

AGMK bosh murabbiyi bosh murabbiyi Mirjalol Qosimov O'zbekiston kubogi final uchrashuvidan so'ng o'z fikrini bildirib o'tdi.

"O'yinga yaxshi tayyorgarlik ko'rgandik. Bahs davomida kichik xatolarga yo'l qo'yishimiz kerak emas edi. Aynan biz hujum qilayotgan paytda to'pni yo'qotdik va "Paxtakor" qarshi hujumda hisobni ochdi. O'sha vaziyatda biz to'pni o'zimizda ushlab turishimiz kerak edi. Ikkinchi bo'lim boshida raqib gol urganidan keyin bizga qiyin bo'ldi. Umuman olganda, ikkinchi taymda o'yinimiz chiqmadi.

Bugun ba'zi o'yinchilarimiz o'z faoliyatida ilk marta final bahsida ishtirok etdi. Shuning uchun ayrim xatolar bo'ldi.

"Paxtakor" kuchli jamoa va haqli g'alabani qo'lga kiritdi. Bu futbol. Ishlashda davom etamiz. Hammaga rahmat aytaman. Yigitlar ham charchadi. Kelasi mavsumga yaxshi tayyorgarlik ko'ramiz", — dedi Qosimov.